粵地圖係俾邊個用？
大溫想小朋友學廣東話、或者繼續講廣東話嘅家庭：本地講廣東話嘅家庭，同埋啱啱由香港搬嚟、睇中文舒服啲嘅家庭。
關於粵地圖 About CantoMap
粵地圖由高貴林一個 homeschool 家庭整，我哋屋企都係湊緊雙語小朋友。要搵一個啱年齡、啱時間、又近屋企嘅廣東話班，真係唔容易，所以我哋將啲資料集中晒喺度。
每個 listing 我哋都會對住 program 自己嘅網頁人手核實，listing 上面會寫最後核實日期。Program 有自己嘅中文名，我哋就會用。有啲 program 只有英文資料，所以中文頁有少少地方會顯示英文。
粵地圖對家長完全免費。我哋唔會代你報名，亦唔收錢，報名請直接搵 program。學費同時間會變，去之前記得同佢哋確認。見到資料舊咗？喺 listing 撳「話俾我哋知」，或者用 提交 program 嗰張表。
常見問題 FAQ
點解揀年齡嘅時候有啲 program 唔見咗？
大部分 program 都寫清楚年齡，例如「3-6」或者「K - Grade 9」，揀年齡就搵到。有幾間星期六中文班只寫「school-age」，你揀城市或者類型都會見到，可以直接問學校邊個 level 啱你小朋友。
點更新一個 listing？
打開個 listing，撳「話俾我哋知」，或者喺 提交 program 留個言，寫低係邊個 program、有咩改咗。每個更新我哋都會核實先放上地圖。